Erlinq Holann ''Mançester Siti''nin heyətində xarüqələr yaratmaqda davam edir.

"Football-plus.az" xəbər verir ki, ötən həftəiçi Çempionlar Liqasının 1/8 finalında ''Leyptsiq''lə cavab oyununda (7:0) 5 qol vuran norveçli bombardir şənbə günü İngiltərə kubokunun 1/4 finalında ''Bernli'' ilə qarşılaşmada (6:0) het-trik etdi.

22 yaşlı futbolçu bu mövsüm 6-cı (!) dəfə bir oyuna ən azı 3 qol vurdu. 2022/23-də o, 37 rəsmi oyuna artıq 42 qol vurub. Özü də maraqlıdı ki, son iki qarşılaşmada Holann 63-cü dəqiqədə əvəzlənib.

''Siti''nin çalışdırıcısı Xosep Qvardiola ''Leyptsiq''lə oyundan sonra Holannı erkən əvəzləməsi haqda danışarkən ''bir oyuna 6 qol vursaydı, sonradan ona futbol oynamaq maraqsız olardı. Gələcək üçün heç bir hədəfi qalmayacaqdı'' ifadəsini işlətmişdi. Bəziləri iddia etmişdi ki, Qvardiola özü qəsdən Holanna Lionel Messinin rekordunu yeniləməyə imkan verməmişdi. Çünki buna qədər ÇL-in pley-offunda yalnız Messi 1 oyuna 5 top vurmağı bacarmışdı.

''Bernli'' ilə qarşılaşmadan sonra Qvardiolaya yenə eyni sualı verdilər. Bu dəfə o, jurnalistlərlə məzələnmək qərarına gəldi: