Macarıstanın 21 yaşadək futbolçulardan ibarət milli komandasının çalışdırıcısı Zoltan Gera yerli mətbuata açıqlama verib.

Football-plus.az xəbər verir ki, gənc mütəxəssis Türkiyədə qarşılaşacaqları Danimarka və Azərbaycan yığmaları haqda danışıb:

"İlk rəqibimiz son vaxtlar yaxşı təsir bağışlayır. Fiziki cəhətdən güclü kollektivdi. Danimarka isə Avropanın top komandasıdı. Futbolçularının çoxu artıq Çempionlar Liqasında çıxış edib. Buna görə də, ikinci matç bizim üçün əsl sınaq olacaq".

Azərbaycan - Macarıstan matçı noyabrın 17-də baş tutacaq.