“Fanatlar istədiyi vaxt həm qışqıra, həm də etiraz səsini ucalda bilər. Bunun qarşısını almaq heç cür mümkün deyil. Futbolda tərif də var, tənqid də. Bunu normal qarşılamaq lazımdı. Eləcə də oyunun gedişində fanatların etirazını bildirməsi də futbolun bir parçasıdı. Amma digər tərəfdən, “Beşiktaş” çox yaxşı komandadı. İddialılardan biridi. Turnir cədvəlinə baxanda ortada ah-nalə çəkəcək, təşvişə düşəcək bir durum yoxdu. Yuxarıdakı klublar bir-birinə çox yaxın qərarlaşıb və hərəsinin hədəfləri davam edir. Hazırda komandanın başında məşqçi var. Onun gördüyü işi şərh etmək həm düzgün olmaz, həm də mənə yaraşmaz. Bu ona qarşı hörmətsizlik olar. Ona görə də bu məsələlərə qarışmaq istəmirəm. Sadəcə, oyun planında bir balaca sıxıntıların olması gözə dəyir. Amma transfer edilənlər premyer-liqadan gələnlərdi. Hamısı da önəmli karyeraya malikdi. Hər azarkeş komandasından uğur gözləyir. Bunu görməyəndə etiraz edir. Amma məncə, “Beşiktaş”lılar indi bir qədər səbirli olmalı və komandaya dəstək verməlidilər”.