''Türkiyə ilk iki oyunda baş verənlərə bir reaksiya göstərməli və cavab verməli idi. Dünya çempionatını başladıqları kimi, yəni 0 xalla bitirmələri inandırıcı görsənmirdi. ABŞ qarşısında özlərini göstərmək üçün son bir fürsətləri var idi və bundan yararlandılar''.

''ABŞ üçün bu oyunun heç bir önəmi yox idi. Qrupda hər komandanın bir dəfə uduzmaq limiti olur. Bu oyun daha çox ehtiyat qüvvəyə şans vermək baxımından önəmli idi. Nəticə heç bir şeyə təsir etməyəcək. ABŞ yoluna davam edir. Onlar üçün əsas mübarizə indi - Bosniya və Herseqovinaya qarşı pley-off oyunu ilə başlayır. Çünki uduzdunsa, mübarizəni dayandırırsan. Bosniyaya qarşı oyun tamam fərqli ab-havada keçəcək''.

''Arda nəhayət, bu turnirdə bir oyunda fərq yarada bildi. İstedadını və səviyyəsini ortaya qoydu. Türkiyə tarixinin DÇ-də qol vuran ən gənc oyunçusu oldu. Ən azı bu baxımdan mundialda iz buraxdı. Ümumiyyətlə onun oyununu izləməyi sevirəm. Vurduğu qolda cəsur şəkildə hərəkət etdi və müdafiəçi onun qarşısını kəsə bilmədi. Qolda ən həlledici məqam onun sağ ayağı ilə topu bir toxunuşla önünə atması oldu. Top düz önünə düşdü və yaxşı zərbə ilə qol vurdu. Türkiyənin tempini və hücumlarını o müəyyənləşdirirdi. Bu da çox xoşuma gəldi. Elə ikinci qolu hazırlayan da Arda oldu. Amma yenə də matçın ən yaxşı hərəkəti onun qol vurarkən sağ ayağı ilə topu gözəl şəkildə ram etməsi oldu''.