Zirə (Bakı) – Şamaxı 0:1 (0:1)

13. Aydın Bayramov – 4,5
7. Məqsəd İsayev – 5,0
(32. Qismət Alıyev, 46) – 4.5
16. Fuad Bayramov – 4,5
14. Elçin Əlicanov – 4,5
11. Rüstəm Əhmədzadə - 5,0
29. Ceyhun Nuriyev – 4,5
(6. Eldar Quliyev, 60) – 4,5
5. Stefan Aka (k) – 4,5
3. Ange Mutsinzi – 4,5
(23. Rafael Utziq, 46) – 5,0
28. Abbas İbrahim – 5,0
18. Martins Junior – 4,5
(90. Davit Volkov, 30) – 5,5
19. Salifu Suma – 4,5
(10. Georgi Papunaşvili, 69) – 4,5
Ehtiyat oyunçular
97. Tyaqo Silva
41. Anar Nəzirov
99. Səlim Həşimov
91. Murad Ələkbərov
4. Ruan Renato
15. Pyer Zebli
Baş məşqçi: Rəşad Sadıqov
Komandanın ən yaxşısı: Davit Volkov

1. Rikardo Fernandes – 5,5
4. Adil Nağıyev (k) – 4,5
8. İlkin Muradov – 4,5
(6. Rauf Rüstəmli, 89) – qiymətsiz
22. Qurban Səfərov – 4,5
(17. Rafael Məhərrəmli, 62) – 4,5
82. Rüfət Abbasov – 5,0
32. Vasiliye Radenoviç – 5,0
20. Leroy Mikels – 6,0
(10. Emin Zamanov, 76) – qiymətsiz
93. Brahim Konate – 5,5
(11. Conatan Benteke, 89) – qiymətsiz
7. Georgi Kantariya – 5,0
(5. Arsen Ağcabəyov, 76) – qiymətsiz
9. Belajdi Pusi – 5,0
66. Vasiliye Bakiç – 4,5
Ehtiyat oyunçular
85. Kamal Bayramov
62. Abdulla Seydəhmədov
60. Səbayıl Bağırov
80. Zahid Mərdanov
97. Elşad Tağıyev
24. Edqar Adilxanov
19. Fəxri Məmmədli
Baş məşqçi: Ayxan Abbasov
Komandanın ən yaxşısı: Leroy Mikels

Qol: L.Mikels, 16 (B.Konate).
Vərəqələr: İ.Muradov, 23 (qeyri-idman hərəkəti). B.Pusi, 69 (qeyri-idman hərəkəti). A.Nağıyev, 73 (hakimin qərarına etiraz). E.Quliyev, 88 (qeyri-idman hərəkəti). A.İbrahim, 90 (hakimin qərarına etiraz) – sarı.

Hakimlər: KAMAL UMUDLU, Vüsal Məmmədov, Zöhrab Abbasov (hamısı Bakı), Rəşad Əhmədov (Mingəçevir)
VAR hakimi: Əliyar Ağayev (Bakı).
VAR hakiminin köməkçisi: Şirmamed Mamedov (Bakı).
Hakim-inspektor: Əmrah İbrahimov (Bakı).
AFFA nümayəndəsi: Anar Şixəliyev (Bakı).
25 avqust. Zirə. İdman Kompleksinin stadionu. 650 tamaşaçı (1200 yerlik).
Birinci hissəyə 5, ikinci hissəyə 7 dəqiqə əlavə olunub.
Oyunun qiyməti: 6,0.

“Omoniya”ya acınacaqlı məğlubiyyətdən sonra “Zirə”yə toparlanmaq üçün qələbə lazım idi. “Şamaxı” da autsayderlər sırasından çıxmaq üçün “qartallar”ın durumundan, yorğunluğundan istifadə etmək istəyirdi. Üstəlik qonaqların baş məşqçisi Ayxan Abbasov oyun günü 43 yaşını tamamlayırdı. Nəticəyə baxdıqda “şirlər” istəyinə çatdı.

Qonaqların qələbə acı olduğunu elə 2-ci dəqiqədə gördük. Kantariyanın qapı önünə ötürməsindən sonra Radenoviçin başla zərbəsini Aydın gözəl seyvlə dəf etdi. Epizodun davamında cərimə meydançası daxilində yaranan qarışıqlıq İbrahimin topu uzaqlaşdırmasıyla yekunlaşdı. 15-ci dəqiqədə Ceyhun uzaq məsafədən “çərçivə”ni yoxladı. Cəmi 1 dəqiqə sonra əks-hücuma çıxan qonaqlar hesabı açmağı bacardı. Konatedən ötürmə alan və yeni komandasında debüt oyununa çıxan Mikels qarşısında Əlicanovun olmasına baxmayaraq, sürpriz zərbə vurdu. Meydana eksperimental heyətlə çıxan “Zirə” hesabda geri düşəndən sonra durum bir qədər də çətinləşdi. Belə ki, artıq 30-cu dəqiqədə Sadıqov Martins zədələndiyinə görə dəyişiklik etmək məcburiyyətində qaldı. 42-ci dəqiqədə Ceyhunun Kantariyaya qarşı kobudluğuna görə hakim təhlükəli nöqtədən meydan sahiblərinin qapısına cərimə zərbəsi təyin etdi. Leroy cərimə zərbəsindən birbaşa “çərçivə”ni hədəfə aldı. Ancaq onun zərbəsi qapının üstündən keçdi.

İkinci hissədə üstün təsir bağışlayan “Zirə” qonaqların qapısına yol tapmaqda çətinlik çəkdi. 71-ci dəqiqədə Bayramovun ötürməsindən sonra Volkovun yumşaq zərbəsini qolkiper ayağıyla xəttin üzərində saxladı. Cəmi 1 dəqiqə sonra Qismətin künc zərbəsindən cərimə meydançasına göndərdiyi topu Utziq “çərçivə”yə yönəltsə də, Rikardo gözəl seyvlə qola imkan vermədi. 78-ci dəqiqədə Qismətin Rüfəti ustalıqla keçərək qapı önünə göndərdiyi topu Volkov tora qovuşdurdu. Lakin VAR incələməsindən sonra Qismətin topu qəbul etdiyi anda ofsaydda olması üzündən qol ləğv edildi. Uzatma dəqiqələrində “Zirə”də debüt oyununa çıxan Papunaşvili uzaq məsafədən qapını yoxladı. Amma Rikardo bu topun da qarşısını ala bildi. Sadıqovun yetirmələri heç cür məğlubiyyətdən qurtula bilmədi.

Beləliklə, “Şamaxı” yeni mövsümdə ilk qələbəsini qazandı, “Zirə” ilk məğlubiyyətini aldı.

Gözdən qaçmadı
* “Şamaxı”nın heç bir fanklubu stadionda yox idi.
* Rəşad Sadıqovdan fərqli Ayxan Abbasov oyunboyu hadisələrin axarına müdaxilə etməyə çalışırdı, nəhayət, buna görə 81-ci dəqiqədə sarı vərəqə ilə cəzalandırıldı.

KAMAL SƏFƏR