ABŞ-ın Rusiyanın Ukraynaya hərbi təcavüzünə qarşı hərtərəfli çıxan ölkələr sırasında olduğu bəllidi.

Amerikalılar müharibənin əvvəlindən indiyədək şimal qonşumuza bir neçə mərhələdə sanksiya tətbiq edilməsində əsas rol oynayıblar.

Maraqlıdı ki, bu mənada ABŞ klubları da geri qalmırlar. Ölkə çempionatının yüksək liqası sayılan MLS iştirakçıları öz aralarında qeyri-rəsmi qayda müəyyən ediblər. Belə ki, bu liqada çıxış edən 28 klub Rusiya və bu ölkəni Ukrayna ilə müharibədə dəstəkləyən Belarusdan olan futbolçular və məşqçilərlə birgə işləməməyə və danışıq aparmamağa qərar verib. “Sport-Ekspress” qəzeti amerikalıların boykotunun nə vaxta qədər davam edəcəyinə aydınlıq gətirməyib.