Rəmiş Malıyev Futzal Federasiyasından niyə ayrılıb?
Dünən Azərbaycan Futzal Federasiyasında (AFF) iclas keçirilib.
Federasiyanın prezidenti Zaur Axundovun rəhbərliyi ilə baş tutan yığıncaqda bəzi dəyişikliklər həyata keçirilib. Maraqlı məqamlardan biri də AFF-nin vitse-prezidenti Rəmiş Malıyevin istefa verməsi olub. "Football-plus.az" saytı olaraq onunla əlaqə saxlayıb bu addımının səbəbini öyrəndik: "İxtisasça hüquqşünasam. Peşəmi sevirəm[center][/center] və həmişə bu sahədə çalışıb, özümü daha da təkmilləşdirmək istəmişəm. 2008-ci ildən AFFA-da hüquqşünas kimi fəaliyyətə başlamışam və qısa müddətdə bir çox, o cümlədən AFF-nin vitse-prezidenti postuna çəkilmişəm. Tutduğum vəzifələrin hər biri son dərəcə məsuliyyətli olub. Düşünürəm ki, hamısını normal həyata keçirmişəm. Amma hüquqşünas fəaliyyətimi də davam etdirmişəm. Sonda belə qərara gəldim ki, doğma peşəmə daha çox vaxt ayırım. Onsuz da bu sahədə yetərincə çox işim var və onlara lazımi qədər vaxt ayıra bilmirdim. Ona görə istefa vermək qərarına gəldim".
ABDULLA İSMAYILOĞLU
Digər xəbərlər
