"11 ballıq zəlzələ, sal canına vəlvələ" - Şamaxıdan gələn azarkeşlərin qaldırdığı pankartda məhz belə yazılmışdı.

Mən bunu oyundan sonra yayılan şəkillərdə gördüm. Yox, oyun vaxtı belə pankartın açılması doğru olmazdı. Rəqib durmadan sənin qapından qol keçirirsə, fasilədə daha artıq qol vurmamasını xahiş edirsənsə, nə zəlzələ, nə vəlvələ?!

Eyni zamanda mən bu nəticəyə ironik yanaşmanın da əleyhinəyəm. Bu dünyada "Şamaxı"dan dəfələrlə böyük və dəfələrlə böyük hesabla uduzan komandalar da olub. Ona görə də Şirvanşahların şiri ilə işiniz olmasın - quyruğunu və başını tərpətməyin. Elə bilin ki, bir külək idi, əsdi keçdi. "Qarabağ"ın qabağında durmalıdı ki?! Vicdansız "Marsel"i keçsəydilər, bəlkə ölkədaxili yarışlardan fikirləri yayınardı. Udmadılar və bütün qüvvəni "qızıl dubl" etməyə yönəldiblər. Onda toyun mübarək!

ORXAN