UFC-nin Şöhrət Zalının üzvü və təşkilatın sabiq orta çəki çempionu Maykl Bispinq bu gün Milli Gimnastika Arenasında keçiriləcək "UFC Fight Night: Fiziev vs. Torres" turnirinin şərhçilərindən biri olacaq.

Maykl Bispinqlə birlikdə turniri Pol Felder və Con Quden şərh edəcəklər.
Bununla yanaşı, əfsanəvi Brüs Baffer turnirdə oktqon anonsçusu kimi çıxış edəcək.
Gecənin əsas döyüşündə Rafael Fiziyev yüngül çəki dərəcəsində Manuel Torreslə üz-üzə gələcək. Turnir ərzində azarkeşləri ümumilikdə 13 maraqlı döyüş, o cümlədən Azərbaycanı təmsil edən dörd UFC döyüşçüsünün çıxışı gözləyir.