“Baş məşqçi Sergey Rebrov Fransa ilə oyunla müqayisədə start heyətində üç dəyişiklik etmişdi – Yeqor Yarmolyuk, Aleksey Qutsulyak və Artyom Dovbikin əvəzinə Oleq Oçeretko, Artyom Bondarenko və Vladislav Vanat ilk dəqiqələrdən meydana çıxdı. Hadisələr dinamik şəkildə cərəyan etdi. Artıq 3-cü dəqiqədə Vanat qapıçıyla üz-üzə qaldı və müdafiəçiylə toqquşaraq yerə yıxıldı. Əvvəl penalti təyin edən hakim VAR-a baxandan sonra qərarını ləğv etdi. Ümumilikdə görüşün ilk hissəsində Azərbaycanın qapısına beş zərbə endirən millimiz üstünlüyə malik olsa da, hesab fasiləyə qədər açılmadı. Ukraynalılar 2-ci hissənin əvvəlində sürəti artırdı. Aleksandr Zinçenko rəqibin cərimə meydançasında daxil olandan sonra qol vura bilərdi, lakin meydan sahiblərinin müdafiəçisi onun qarşısını kəsdi. Növbəti hücum məhsuldar oldu: Aleksandr Zubkov sağ cinahda göstərilən təzyiqdən qurtularaq cərimə meydançasına ötürmə etdi. Burda Georgi Sudakovun qapıya zərbəsi dəqiq oldu – 1:0. Meydan sahiblərinin çalışdırıcısı qol buraxandan dərhal sonra əvəzetmə etdi - Toral Bayramovu meydana çıxardı. O, 70-ci dəqiqədə hava mübarizəsindən qalib ayrıldı. Bundan sonra top Aleksandr Zinçenkonun əlinə dəydi. Penaltini Azərbaycan millisinin kapitanı Emin Mahmudov qola çevirdi. Beləliklə, qarşılaşma 1:1 hesablı heç-heçə ilə yekunlaşdı”.