Ukraynada hesabat turu liderlərin qələbəsi ilə müşayiət olundu.

Ortabablardan “Rux”un qonağı olan “Dinamo” cari mövsümdə yalnız bu komandanın qapısına yol tapmamışdı. Bu problem çox tez – artıq 11-ci dəqiqədə həllini tapdı. Çempionatın bombardiri Vanat hesabı açdı, yarım saatın tamamında isə Buyalski fərqi artırdı. Qarşılıqlı hücumlar şəraitində keçən 2-ci hissədə hesab dəyişmədi.

Liderin ən yaxın izləyicisi “Aleksandriya” “Levıy bereq”i yeganə qolla məğlub etdi. “Şaxtyor” da iki cavabsız qolla qalib gəldi. Ancaq Marino Puşiçin komandasının oyunu yenə ümid vermədi. Qluşenko 89-cu dəqiqədə 2-ci topu “Obolon”un qapısından keçirməsəydi, bu oyun istənilən nəticə ilə bitə bilərdi.

2025-də ilk qələbəsini “Vorskla” ilə səfər oyununda qazanan “Krivbass” avrokuboklara iddiasını davam etdirir. 4-cü pillədə qərarlaşan “Polesye” ilə xal fərqini 2-yə endirən Krivoy-Roq klubunun ehtiyatda iki oyunu da var. “Polesye”dən söz düşmüşkən, bu komanda cari mövsümdə, adətən, 1-dən artıq qol vurmur. LNZ ilə oyunda da bir qol qələbə üçün kifayət etdi. Qışda “Polesye”ni “Çernomorets”ə dəyişən Emil Mustafayev, yəqin ki, indi sabiq komandasının nəticələrinə həsəd aparır. Axı “dənizçilər” hesabat turunda yeni baş məşqçi Aleksandr Kuçerin rəhbərliyi altında ilk oyuna çıxdı və darmadağın oldu – 0:4. Emil “Karpatı” ilə oyunda 61-ci dəqiqədə meydana çıxsa da, heç nə ilə yadda qalmadı.

Turun ən gözlənilməz nəticəsi “Kolos”un səfərdə “Zarya”nı darmadağın etməsidi. “İnqulets” – “Veres” oyununda isə qapılara qol vurulmadı.

22-ci tur
Rux – Dinamo 0:2
Vanat, 11. Buyalski, 30.
Dinamo: Neşeret, Dubinçak, Karavayev, Mixavko, Popov (Belovar, 81), Buyalski (Pixalenok, 70), Mixaylenko, Yarmolenko (Voloşin, 76), Vanat (Gerrero, 69), Kabayev, Şaparenko (Rubçinski, 70).

Obolon – Şaxtyor 0:2
Eginaldo, 22. Qluşenko, 89.
Şaxtyor: Riznık, Bondar, Vinisius, Qram, Pedro Enrike, Bondarenko (Nazarina, 78), Sudakov (Qluşenko, 77), Santana (Pedrinyo, 61), Kevin, Qomes, Eginaldo.

Levıy bereq – Aleksandriya 0:1
Smirnı, 13.

Vorskla – Krivbass 0:1
Tverdoxleb, 40.

LNZ – Polesye 0:1
Kruşinski, 54.

Karpatı – Çernomorets 4:0
Bruninyo, 41-p.; 45-p.; 50. Kostenko, 56.

Zarya – Kolos 0:3
Surikov, 42; 58. Orexovski, 63.

İnqulets – Veres 0:0

1. Dinamo 22 16 6 0 46-15 54
2. Aleksandriya 22 15 5 2 34-16 50
3. Şaxtyor 21 13 5 3 48-16 44
4. Polesye 22 10 7 5 30-22 37
5. Krivbass 20 10 5 5 24-19 35
6. Karpatı 22 9 5 8 27-23 32
7. Veres 22 7 8 7 27-28 29
8. Zarya 21 9 2 10 25-28 29
9. Rux 22 6 8 8 22-20 26
10. LNZ 22 7 4 11 22-30 25
11. Levıy bereq 21 6 4 11 12-22 22
12. Kolos 22 4 9 9 16-19 21
13. Vorskla 22 5 6 11 17-28 21
14. Obolon 22 4 6 12 12-37 18
15. İnqulets 21 3 7 11 15-33 16
16. Çernomorets 22 4 3 15 14-35 15

Bombardirlər: Vanat (Dinamo) – 13, Sudakov (Şaxtyor), Qutsulyak (Polesye), Filippov (Aleksandriya) – 10.