La Liqanın son oyununda “Barselona”ya uduzan (1:2) “Real”ın mövsümü yalnız iki turnirdə qələbə ilə başa vurmaq şansı qalır.

"Football-plus.az" xəbər verir ki, mütəxəssislər hazırda əzəli rəqibindən 12 xal geri düşən madridlilərin İspaniya çempionu titulunu qorumaq şansının minimuma bərabər olduğunu hesab edirlər. Hətta komanda Çempionlar Liqasında və İspaniya kubokunda qalib gələcəyi halda belə Karlo Ançelotti ilə yollar ayrıla bilər.

“Bild” qəzetinin yazdığına görə, bu halda italiyalı baş məşqçiyə Oliver Qlasner xələf ola bilər. Almaniya nəşri Frankfurt “Ayntraxt”ının çalışdırıcısının “Real” rəhbərliyinin maraq dairəsinə düşdüyünü xəbər verib.