"Vova Antonov toplanış zamanı Azərbaycan klublarının birinin mətbuat katibiylə əlaqə yaratdı. Daha sonra isə digər komanda ilə əlaqə quruldu. Bir neçə cəhddən sonra toplanış dövründə "Keşlə"ylə qarşılaşan tam başqa komandanın operatorundan görüntüləri ala bildik".

Soçi"nin analitikinin dediklərindən xəbərim olmayıb. Həmin dövrdə biz xaricə getməyərək toplanışı Bakıda keçirdik. Komandadan gedənlər hədsiz çox idi. Demək olar ki, "Keşlə"ni yenidən formalaşdırdıq. Amma heyəti tam komplektləşdirə bilmədik. Digər komandaların çoxu Türkiyədə təlim-məşq toplanışı keçirirdi deyə, yoxlama oyunları üçün rəqib tapmaqda da çətinlik çəkirdik. Sonda "Səbail" və "Sabah"la sınaq matçları keçirə biıdik. İkinci oyunumuz Masazır təmsilçisinə qarşı oldu. Çox təəssüf doğuran məqamdı ki, həmin yoxlama oyunlarının videoyazısı "Soçi"yə ötürülüb. Özü də bunu özümüzkülər edib. Bəlkə də Türkiyədə və başqa ölkədə toplanış zamanı hansısa skautlar vasitəsiylə oyunumuzu gizli çəkib atsaydılar, buna fikir verməzdim. Amma öz komandalarımızın bunu etməsi xoş deyil. Necə deyərlər, düşmən içimizdədi. Şəxsən mən belə hallara yaxşı baxmıram, yolverilməz addımdı. Təəssüflənməkdən başqa əlimizdən nəsə gəlmir".