“Real” oktyabrın 19-da ölkə çempionatının 10-cu turunda səfərdə “Elçe”ni 3:0 hesabıyla darmadağın etdi.

Football-plus.az xəbər verir ki, görünür, məhz bu məqam, yəni böyükhesablı qələbə üzündən madridlilərin üç qolunun sayılmaması o qədər də diqqəti çəkmədi. Ancaq ötən ayın son günündə - “Jirona” ilə oyunda yaşananlar madridlilərin düşərgəsində gərginlik yaradıb. Klub rəsmiləri, məşqçi korpusu və futbolçular belə düşünür ki, haqsızlığa məruz qalıblar. Yəni “Real”ın qapısına heç nədən penalti təyin olunub, üstəlik Rodriqonun 89-cu dəqiqədə vurduğu qol əsassız yerə sayılmayıb. Guya madridlilərin oyunlarında hakim səhvləri artıq tendensiya xarakteri alır. Niyyət də odu ki, “Barselona”ya həyat vermək, “Real”dan çox geri düşməsini əngəlləmək lazımdı. Kəsəsi, Madrid düşərgəsinin fikrincə, “Real”ın “Osasuna” (oktyabrın 2-də keçirilən oyun 1:1 bitib) və “Jirona” ilə oyunlardakı iki heç-heçəsi hakimlərin kataloniyalılara hədiyyəsidi. Aşağıdakı yazıda malaqalı referi Melero Lopesin “Real” – “Jirona” oyunundakı həlledici qərarlarına toxunacağıq.

Beləliklə, “Real” cari mövsümdə 2-ci dəfə ev oyununda xal itirdi. Madridlilər hakim qərarlarının nəticəyə təsir etməsi ilə bağlı iddialarında nə dərəcədə haqlıdı?

“Real”ın qapısına penalti: mübahisəli təfsir

İspaniya çempionu 70-ci dəqiqəyə qədər Kataloniyadan olan qonaqların qapısına yol tapa bilmədi. Məhz həmin anda Vinisius mövsümü əla keçirən Federiko Valverdenin qapıçı meydançasına ötürməsindən yararlandı. Madridlilərin üstünlüyü uzun sürmədi. Xronometraj 79-cu dəqiqənin 16-cı saniyəsini göstərərkən “Real”ın cərimə meydançasında maraqlı hadisə baş verdi. Top Serxio Ramosun əlinə dəydi və hakim Mario Melero Lopes VAR-dan gələn siqnal əsasında monitora baxandan sonra penalti təyin etdi. Kristian Stuani penaltini qola çevirdi. Mübahisə doğuran məqamlar əllə oyun faktı və hakimin təfsiridi. Videotəkrara baxsaq, top əvvəlcə Asensionun sinəsinə, ardından çiyni səviyyəsinə qalxan sol əlinə dəyir. Bir tərəfdən, top həqiqətən səkib, ancaq hakimin qərarını doğrulayan məqam odu ki, Markonun əli qeyri-təbii vəziyyətdədi və topun “Jirona”nın oyunçusuna çatmasına mane olur. Hətta arzulayan şəxs Asensionun topa doğru mikroskopik hərəkətini də görə bilər. Məhz bu epizod “Real” düşərgəsini qəzəbləndirib. Klubun rəsmi saytında oyunla bağlı yer alan hesabat “Mübahisəli hakimlik qələbəni əlimizdən aldı” adlanır. Həmişə sakit görünən baş məşqçi Karlo Ançelotti də qəzəbini gizlədə bilməyib:

Maraqlıdı ki, komandanın qapıçısı Tibo Kurtua “Movistar”a müsahibəsində Asensionun fərqli ifadəsinə istinad edir:



“Real” oyunçularının qəzəbini “Marca”nın eksperti, sabiq hakim Alfonso Peres Burrul da dəstəkləyib:



Rodriqonun qolu nədən ləğv olundu?

1:1 hesabı ilə barışmayan “Real”, təbii ki, hücumları davam etdirdi. Və 89-cu dəqiqədə Rodriqo 2-ci qolu vurdu. Daha doğrusu, Mariano Diasın cərimə meydançasına ötürməsindən sonra 3-cü cəhddə topu tora sala bildi. Ancaq hakim heç monitora baxmadan bu qolu saymadı. Təkrardan da görünür ki, Rodriqo 3-cü cəhdə qapıçı Paulo Qassaniqa artıq əlini topun üzərinə qoyandan sonra əl atıb. Bu artıq qapıçının topa yiyələnməsidi. Qaydalarda bu hal dəqiq göstərilib:



Açıq-aydın görünür ki, Qassaniqa əvvəlcə topu yerə sıxır, ardından özünə tərəf çəkir və bu məqamda Rodriqo topa zərbə vurur. Düzdü, “Real” bu məqamla bağlı o qədər də çox mübahisə etmir. Ançelottinin fikirləri:



700-dən artıq oyundan sonra ilk qovulma!

32 yaşlı Kroosun meydandan qovulması mübahisəli yox, təəccüb doğuran məqamdı. Almaniyalı yarımmüdafiəçi uzatma dəqiqələrində “Jirona”nın hücumunu pozduğuna görə 2-ci sarı vərəqəni aldı ki, bu da avtomaik “qırmızı”ya çevrildi. Və bu Kroosun karyerasındakı ilk qırmızı vərəqədi! Bəli, Toni peşəkar karyerası boyunca keçirdiyi 700-dən artıq oyunda bir dəfə də belə sərt cəzalanmamışdı. Düzdü, çox uzaq keçmişdə - 2007-də “Bavariya”nın gənclər komandasında oynayarkən hakimin qəzəbinə tuş gəlib. Onda münhenlilərin rəqibi bu gün “Qarabağ”a gücünü göstərməyə çalışacaq Kristian Ştrayxın çalışdırdığı “Frayburq”un gənclər komandası idi.