Azərbaycan klublarının formaları hərraca çıxarılıb.

“Football-plus.az” xəbər verir ki, söhbət “Qarabağ”, “Neftçi” və “Qəbələ”dən gedir. Bildiyiniz kimi, bir müddət öncə Türkiyədə və Suriyada dəhşətli zəlzələ baş verdi. Avropa Klub Assosiasiyası həmin ölkələrə yardım məqsədi ilə fərqli klubların formalarını hərraca çıxarıb.

Satış “Matchwornshirt” saytında həyata keçirilir. Burda “Qarabağ”ın üzvü İsmayıl İbrahimlinin, “Qəbələ”nin kapitanı Asif Məmmədovun və “Neftçi”nin yarımmüdafiəçisi Emin Mahmudovun formaları satışa çıxarılıb. Ağdam təmsilçisinin futbolçusunun geyiminin üzərində “köhlən atlar”ın bütün oyunçularının imzası var. Hərrac 9 gündən sonra başa çatacaq. Geyimlərin hazırkı qiymətini diqqətinizə çatdırırıq:

İsmayıl İbrahimli – 196 avro (son təklif)

Asif Məmmədov – 90 avro (son təklif)

Emin Mahmudov – 89 avro (son təklif)

Qeyd edək ki, bu qiymətlərdə dəyişiklər ola bilər. Hər üç futbolçunun formasının satışından əldə olunacaq gəlir zəlzələdən zərərçəkənlərə yönəldiləcək.