"Qarabağ"ın Avropa Liqasındakı uğurlu çıxışı futbolçularının diqqət mərkəzinə düşməsinə səbəb olub.

“Football-plus.az” xəbər verir ki, "köhlən atlar"ın üzvlərindən biri qış fasiləsində komandanı tərk edə bilər. Söhbət Marko Yankoviçdən gedir. Monteneqrolu yarımmüdafiəçi ilə Belçika "Standard"ı yaxından maraqlanır.

Lyej təmsilçisi "transfer pəncərəsi"ndə "Qarabağ"ın qapısını döymək istəyir. Belçikalılar 27 yaşlı futbolçu üçün 500 min avro təklif etmək niyyətindədi. Markonun qış fasiləsinə kimi performansı qiymətin artmasına da səbəb ola bilər.

Qeyd edək ki, "Standard" 12 turdan sonra Belçika çempionatında 22 xalla 5-ci pillədə qərarlaşıb. Yankoviçin "Qarabağ"la 2025-ci ilin iyununa qədər müqaviləsi var.