Dəstək kampaniyasında məşhurların formaları hərraca çıxarılır
Türkiyədəki dəhşətli zəlzələdən sonra futbol dünyası da bacardığı qədər bu ölkəyə yardım etməyə çalışır.
Bilindiyi kimi ''Atalanta''lı Merih Dəmiral həm özü yardım kampaniyasına 1 milyon lirə yatırmış, həm də yaxın dostu, dünyaca ünlü portuqaliyalı Kriştiano Ronaldo ilə danışaraq onun imzalı formasını hərraca çıxarmışdı. Forma satışından əldə olunacaq gəlirin hamısı yardım fonduna köçürüləcək. Maraqlıdı ki, digər məhşur futbolçular da bu cür şəkildə Türkiyəyə yardım etmək ideyasına maraq göstəriblər. Merih özü bu barədə yeni açıqlama verərək bunları deyib:
''Millətimizin başı sağ olsun. Çox çətin bir durumdu. Uzaqda da olsam, əlimdən gələn yardımı göstərməyə çalışıram. Hazırda ''tvitter''də yardım məqsədi ilə formaları satışa çıxarmışam. Dünən Ronaldo ilə danışdım. Üzgün olduğunu deyərək əlindən gələn yardımı edəcəyini vurğuladı. Sonra imzalı formasını satışa çıxarmaq qərarına gəldik. Bunun ardından Leonardo Bonuççi ilə Paulo Dibala da mənimlə əlaqə saxladı. Onların da formasını satışa çıxardıq. Futbolsevərlər bu ideyanı çox yaxşı qarşıladılar. Artıq satışa çıxarılan formaların dəyəri 5 milyon lirəyə çatıb. Bir saat öncə Ronaldo ilə yenidən bu haqda danışdım. O özü də bununla bağlı bir video çəkəcəyini söylədi. Yeri gəlmişkən, Alvaro Morata ilə Antuan Qrizmannla da danışdım. Onlar da Türkiyə xalqının acısını paylaşdıqlarını dedilər və kampaniyamıza imzalı formalarını bağışladılar. Onların formalarını da hərraca çıxardıq''.
