“Qarabağ”ın sabiq məşqçisi Mehmet Ak Türkiyədə baş verən zəlzələ qurbanlarına yardım məqsədilə Ağdam klubundan xatirə saxladığı formaları satışa çıxarıb.

Bu haqda o, sosial şəbəkə hesabında məlumat paylaşıb. Hazırda “Karacabəy Bələdiyəspor”un baş məşqçisi olan 40 yaşlı mütəxəssis bunları qeyd edib: “2007/08 və 2008/09 mövsümlərində Azərbaycan kubokunu qazandığımız “Qarabağ”ın imzalı formalarını gəliri zəlzələ bölgəsinə göndərilmək şərtiylə 1000 dollara satışa çıxarıram”.

Qeyd edək ki, Mehmet Ak vaxtilə həm “Qarabağ”da, həm də “Neftçi”də məşqçi işləyib.