Portuqaliyanın yeni qəhrəmanı: “Ronaldo, Levandovski və İbrahimoviç örnək aldığım insanlardı”
Dünən DÇ-2022-nin 1/8 finalında Portuqaliya İsveçrəni 6:1 hesabı ilə darmadağın etdi.
Football-plus.az xəbər verir ki, oyunda het-trik edən Qonsalu Ramuş qarşılaşma haqda fikirlərini səsləndirib. 21 yaşlı hücumçu Ronaldonu komandanın lideri adlandırıb:
“Yuxumda belə dünya çempionatının 1/8 final mərhələsində start heyətində meydana çıxacağımı təsəvvür edə bilməzdim. Hər şey əla idi. Ardıcıl oyunlar keçirəcəyik. İndi Mərakeş haqda düşünürük və bu oyuna hazırlaşırıq. Ronaldo bizim liderimizidi. O, kapitandı. Komandanın hər şeyidi. Ronaldo ilə çiyin-çiyinə mübarizə aparmağı hamımız arzulayırıq. O, mənim kumirimdi. Ronaldo, Levandovski, İbrahimoviç örnək aldığım insanlardı”.
