"Milan"ın hücumçusu Zlatan İbrahimoviç ciddi zədə almasına baxmayaraq, futbolçu karyerasını bitirmək fikrində deyil.

"Football-plus.az" xəbər verir ki, 40 yaşlı futbolçu "La Gazzetta dello Sport"a açıqlamasında bu barədə danışıb:

“Mən tezliklə qayıdacağam. Karyeramı bitirmək fikrində deyiləm. Qayıdacağam və təslim olmayacağam".

Xatırladaq ki, İbrahimoviç bu ilin may ayında dizindən əməliyyat olunub. İsveçli hücumçunun qayıdışı 2023-cü ilin yanvarında gözlənilir. İyul ayında o, 2021/2022 mövsümündə İtaliya çempionu olduğu "Milan"la yeni bir illik müqavilə imzalayıb.