"Son illərin ən yaxşı oyunçularından biri olduğumu ən yüksək səviyyədə nümayiş etdirdim" - AÇIQLAMA
"Bavariya"nın 2021-ci ilin yayında "Leyptsiq"dən 12 milyon avro müqabilində heyətinə qatdığı Marsel Zabitzeri satmaq istədiyi ilə bağlı son günlərdə çox sayda xəbərlər yayılıb.
"Football-plus.az" saytının məlumatına görə, Münhen təmsilçisi avstriyalı futbolçunu 15 milyon avro qarşılığında satmağa razı olduğu deyilir. Buna səbəb oyunçunun tez-tez zədələnməsi və özünü istənilən səviyyədə göstərə bilməməsidi. Amma Zabitzer "Bavariya"da qalmaqda israrlıdı. O, ötən gün Almaniya mətbuatına verdiyi açıqlamada da bunu təsdiqləyib:"İlk gündən şansıma inanacam və işimi görməyə çalışacam. Öz gücümə inanıram və heç nəyi unutmamışam. Son illərin ən yaxşı oyunçularından biri olduğumu ən yüksək səviyyədə nümayiş etdirdim. Bunu unutduğumu düşünmürəm. Karyeramda daha əvvəl belə bir il olmamışdı. Buna görə də təbii ki, səbəblərlə bağlı təhlillər aparıldı. "Bavariya"dakı ilk ilində eyni problemləri yaşayan bir çox oyunçu var idi. Bu belədi. Mən bir şey qazandım və Almaniya çempionu oldum. Bunu heç kim məndən ala bilməz. Son bir neçə ay məni geriyə saldı. Çətin oldu. Ancaq geriyə baxdıqda bu məni incitmir. Çünki mən bundan müsbət nəticə çıxara biləcək qədər güclüyəm."
Digər xəbərlər
