Qvardiola MS ilə müqaviləsini nə vaxt yeniləyəcək?
Son günlər Böyük Britaniya mətbuatında Xosep Qvardiolanın “Mançester Siti” ilə müqaviləsini yeniləyəcəyi haqda xəbərlər dolaşır.
Komandanı növbəti çempionluğa daşımağa çox yaxın olan ispaniyalı mütəxəsisin bu xəbərə reaksiyası belə olub:
“Müqaviləni yeniləyəsi olsam, bu, yalnız növbəti mövsümün sonunda baş verəcək. Bu vaxtdan tez olmayacaq. Kluba təyinatımdan çox il keçib. Komanda ilə birgə özümüzü necə hiss edəcəyimizi dəyərləndirmək lazım gələcək. Burda daha 10 qalmaq istərdim, amma bir müddətdən sonrakı vəziyyətin necə olacağını bilmək üçün vaxta ehtiyac var. Bəli, məyusuq, çünki Çempionlar Liqasının finalında oynamaq istəyirdik. Amma buna nail olmamağımız mənim komandadakı işimə təsir etməyəcək. “Siti”yə nəyin naminə gəlmişdiksə, artıq hədəfə çatmışıq”.
