“Son oyunlarda komandamı tanıya bilmirəm. Hər dəfə futbolçularıma deyirəm ki, rəqiblərimiz bizimlə sona qədər mübarizə aparacaq. Bunu ötən tur Şamaxıda da gördük. “Zirə” ilə matçın ilk yarısı üstünlüyümüz şəraitində keçdi. İkinci hissənin ilk 10 dəqiqəsində qol vəziyyətlərini dəyərləndirə bilmədik. Sonda rəqib müdafiəçimizin səhvindən istifadə edib fərqlənməyi bacardı. Deyərdim ki, qoldan sonra oyun qırıldı. Qoldan sonra hücuma atıldıq və rəqib bizi əks-hücumda yaxaladı. Mən burda işlədiyim müddət ərzində “Zirə”yə məğlub olmamışdıq. Onları da təbrik edirəm. Layiqli qələbə qazandılar. Heç vaxt rəqibin qələbəsinə kölgə salmıram. Onlar bizdən yaxşı mübarizə apardılar. Müasir futbol meydanda mübarizə və döyüşkənliyi tələb edir. Hər şey öz əlimizdədi. Daha tez böyüyüb, irəli getmək istəyirik. Heyətimiz kasaddı. Bunun öhdəsindən gəlməyə çalışacağıq”.