Veysəlin məşqlərə qatılmasına ağ ciyərinin durumu mane olub – “Kəpəz”dən cavab
Mövsümü 10-cu yerdə bitirən “Kəpəz”in taleyinin necə olacağı bilinmir. Baş məşqçi Azər Bağırov gedə də bilər, qala da. Heyətlə bağlı dəyişikliklər də gözlənilir. Çox güman, Veysəl Rzayev də komandadan ayrılacaq.
Fevralda Gəncədə bıçaqlanan və həmin vaxtdan bəri yaşıl meydana həsrət qalan yarımmüdafiəçi “Report”a açıqlamasında “Kəpəz” rəhbərliyinin münasibətindən narazılıq edib. Onun durumu, narazılığının səbəbi ilə bağlı klubun mətbuat katibi Gəray Qiyasovla danışdıq:
“Veysəl əməliyyat olunandan sonra biz onun apreldə məşqlərə qayıdacağını açıqlamışdıq. Futbolda qaçmaq, hərəkət və başqa proseslər üçün ağ ciyərin normal fəaliyyəti çox önəmlidi. Lakin yekun qərara əsasən, futbolçunun sağlamlıq durumuna görə bu mümkün olmadı. Komandanın onunla neçə gündən bir maraqlandığını deyə bilməsəm də, sıx əlaqədəyik. Maaşı da ödənib. Hələ ki iki oyunçu ilə yollarımızı ayırmışıq. Onları da rəsmi şəkildə paylaşmışıq. Yəqin ki, digər oyunçularla bağlı qərar yeni baş məşqçinin gəlişindən sonra veriləcək”.
İSRAYIL XEYRULLAYEV
Digər xəbərlər
