Mark-Andre ter Ştegen yayda “Barselona”dan ayrılmağa qərar verib.

"Football-plus.az" xəbər verir ki, İspaniya mənbələrinə görə, həm klub rəhbərliyi, həm də futbolçu artıq yolları ayırmağın ən doğru qərar olduğuna inanır. Almaniyalı qapıçının hazırda karyerasını davam etdirmək üçün müxtəlif variantları nəzərdən keçirdiyi və İspaniyanı tərk etməyə müsbət yanaşdığı bildirilir.

Ter Ştegen “Barselona”da 2014-cü ildən çıxış edir. 34 yaşlı futbolçu Kataloniya klubunun heyətində bütün turnirlər daxil olmaqla 423 oyunda meydana çıxıb və qapısından 416 qol buraxıb. Onun klubla müqaviləsinin müddəti 2028-ci ilin yayına qədərdi.