"Çempionatda heyətində ən gənc və təcrübəsiz oyunçular yer alan komandayıq. Buna rəğmən, son oyunlarda uğurlu çıxışımız bizi sevindirir. Futbolçular məsuliyyətlərini dərk etməklə meydanda yaxşı mübarizə aparır, daim özlərini inkişaf etdirirlər. "Araz Naxçıvan"ın ardıcıl xal itirməsini diqqətdə saxlamaqla öz oyunumuz haqda da düşünürdük. Son turda "Zirə"in əvəzedicilərini məğlub etməklə liderliyə yüksəlməyimiz sevindirici haldı. Bununla yanaşı, məsuliyyətimiz də böyüdü. Çünki zirvəyə yüksəlmək nə qədər çətindisə, orda qalamaq bir o qədər çətindi. Komandanın qarşısına lider olmaq tapşırığı qoyulmayıb. Əsas məqsədimiz əsas komanda üçün futbolçu yetişdirməkdi. Buna baxmayaraq, "Neftçi" adını daşıyır, onun bayrağı altında çıxış edirik. Bu bizə daha yaxşı oynayıb irəliləmək üçün xüsusi motivasiya verir".

"Əsas komandada oyun təcrübəsi olan Elton Əlibəyli, Vüsal Əsgərov, Ramin Nəsirli, o cümlədən "Sumqayıt"la matçda debüt edən gənc qapıçımız Rza Cəfərovun da sərəncamımızda olması bizi sevindirir. Onlar komandamızın irəli getməsində böyük pay sahibidi. İnanıram ki, bu futbolçular daha yaxşı forma yığıb "Neftçi"nin əsas üzvlərinə çevriləcək".