Macarıstan ÇK dönəmi də daxil olmaqla ilk dəfə Avropanın ən mötəbər klub turnirinə evsahibliyi edəcək.

Final paytaxt Budapeştdə yerləşən “Puşkaş Arena”da keçiriləcək. 67 min azarkeş tutumuna malik olan bu stadion 2019-cu il noyabrın 15-də keçirilən Macarıstan – Uruqvay (1:2) oyunu ilə istifadəyə verilib.

Bu arena daha öncə Ferents Puşkaşın adını daşıyan və 2017-ci ildə sökülən köhnə stadionun yerində tikilib. 2023-cü ildə bu stadion “Sevilya”nın penalti seriyasında “Roma”nı, 2020-ci ildə isə Avropa Superkubokunda “Bavariya”nın “Sevilya”nı məğlub etdiyi oyuna, eləcə də AÇ-2020-nin 4 oyununa evsahibliyi edib.