BOS-da özünə toy edən şəxs kimdi?
"İnstaqram"da paylaşılan foto diqqətimizi çəkdi.
Footbalı-plus.az xəbər verir ki, sosial şəbəkə istifadəçilərindən biri Bakı Olimpiya stadionda çəkilmiş şəkilini izləyiciləri ilə bölüşüb. Maraq doğuran məqam fotodakılardan birinin bəy, digərinin gəlin geyimində olmasıdı. Görəsən, BOS-da toy edən xoşbəxt cütlük kim olub? Sualımızı BOS-un mətbuat katibi Fərid Əsədzadəyə ünvanladıq:
"Dediyiniz foto bizim stadion çəkilib. Amma bu, toy deyil. Şəkildə olan Rasif Babayev uzun illərdi AFFA-da çalışır. Bəzi insanlar xoş anlarını onlar üçün əziz olan yerlərdə əbədiləşdirmək istəyirlər. Dəfələrlə görmüşük ki, fanatlar, futbolçular toylarının fotosessiyalarını stadionda etdirirlər. Rasifin də ürəyi futbolla döyünür. O da xoş gününü belə əbədiləşdirmək istədi. Yəni, toy deyildi. Gənclər BOS-da, sadəcə, fotosessiya etdirdilər".
Bəs arenada toy təşkil etməyin xərci nə qədərdi? Stadionda xoş günlərini keçirmək istəyənlər nə etməlidilər? Sualımızı Fərid bəy belə cavabladı:
"BOS şadlıq sarayları kimi məclis təşkil etmir. Biz, sadəcə, məkanı icarəyə veririk. Digər məsələləri başqa şirkətlər təşkil edir. İndiyə kimi bu barədə müraciət edən olmayıb ki, konkret qiymət deyək. Bu, danışıqdan asılıdı".
İLKİN SULTANLI
Digər xəbərlər
