Klopp: “Bizim heç bir şansımız yoxdu”
“Borussiya”nın (Dortmund) hücumçusu Erlinq Holannın yayda “Liverpul”da peyda olmaq şansı yoxdu.
Bu fikri İngiltərə klubunun baş məşqçisi Yürgen Klopp səsləndirib. O, “Bild” nəşrinə açıqlamasında norveçli hücumçunun qiymətinin çox baha olduğunu bildirib. Almaniya KİV-inin yaydığı son xəbərə görə, Holannın transfer dəyəri 300 milyon avro təşkil edir:
“Biz hətta onu transfer etmək niyyətinə yaxınlaşmayacağıq da. Onun KİV-də açıqlanan transfer qiyməti, sadəcə, dəlilikdi. Bu mənada, bizim bu transferdə heç bir şansımız yoxdu. Sözün düzü, heç özüm də belə sövdələşmənin reallaşmasını istəmirəm. Bu, xoş deyil”.
Digər xəbərlər
