Bu gün “Qarabağ” 5 gündə ikinci dəfə “Neftçi”nin qonağı olacaq. Təbii ki, növbəti Azərbaycan derbisi də maraqla gözlənilir.

Cəzalıların olmadığı bəllidi. Bəs komandaların düşərgəsində zədəlilər varmı?

“Football-plus.az” xəbər verir ki, “Neftçi”də heç bir itki yoxdu, zədəli olduğu deyilən Vensan Abubakarın oynamaq ehtimalı 50 faizə bərabərdi. “Qarabağ”ın da zədəlisi yoxdu. Bu komandanın itkiləri, məlum olduğu kimi, Bəhlul Mustafazadə ilə Şahruddin Məhəmmədəliyevdi.

Xatırladaq ki, 21-ci turdan təxirə salınan oyun bu gün 20.00-da “Palms Sports Arena”da start götürəcək.

MÜZƏFFƏR QULUZADƏ