Holannın transfer xəbəri gələn həftə açıqlanacaq
Erlinq Holannın aqibəti gələn həftə bilinəcək.
"Football-plus.az" Dortmund “Borussiya”sı gənc futbolçusu ilə bağlı qərarı bir neçə gündən sonra açıqlayacaq. Bu barədə klubun idman direktoru Sebastyan Kel məlumat verib:
“Gələn həftə bu məsələyə aydınlıq gələcəyini gözləyirəm. O getsə, təəccüblənməyəcəm. Biz ilk növbədə Adeyeminin “Zaltsburq”dan transferinə nail olmalıyıq”.
Qeyd edək ki, Holann bu mövsüm “Borussiya”da keçirdiyi 29 matçda 28 qol vurub və 8 məhsuldar ötürmə edib. Son vaxtlar onun adı “Mançester Siti”, “Real” və “Bavariya” ilə hallanırdı. Əksər mənbələr norveçli hücumçunun MS-də qərar tutmaq ehtimalının yüksək olduğunu vurğulayır. Erlinqin məhz bu klubla anlaşdığı bildirilir.
