Braziliya çempionatında aprelin 18-19-da 12-ci turun oyunları keçirildi. Qeydə alınan nəticələrdən sonra liderlər qrupunda qismən dəyişikliklər baş verdi.

Əvvəlki turun “Korintians” ilə qolsuz sona çatan derbi duelində 5 oyunluq qələbə seriyası qırılan “Palmeyras” lider mövqeyini itirməmişdi. Son mövsümün gümüş mükafatçısı bu dəfə evdə “Atletiko Paranaense”dən maksimum xal aldı. Müdafiəçi Qustavo Qomesin 15-ci dəqiqədə vurduğu qol san paululuların ilk hissəni öndə başa vurmasını təmin etdi. Amma digər mərkəz müdafiəçisi Sekueyra ev sahiblərini çətinə saldı: onun 47-ci dəqiqədə növbəti xəbərdarlıq alması qalan vaxtda “Palmeyras”ın on nəfərlə mübarizə aparmasına səbəb oldu. Abel Ferreyranın komandası çətinliklə də olsa, qələbə hesabını və liderliyini qorudu.

“Palmeyras” hesabat turu ərəfəsində əsas izləyicilərini 6 xal qabaqlayırdı. Tura hərəyə 20 xal toplamaqla 2-5-ci yerləri bölüşməklə başlayan komandalar fərqli nəticələr göstərdilər. Onlardan ikisi bir-birinə qarşı oynadı. Topların fərqinə əsasən 2-ci yerdə olan “Flamenqo” 5-ci yerdəki “Bayya” ilə evdə qarşılaşdı. De Arraskaeta ilə Paketanın qolları son çempionun inamlı qələbəsini təmin etdi. Leonardo Jardimin rəhbərliyi altında keçirdiyi 8 oyunda hesabına 19 xal yazan “Flamenqo” mövqeyini qorudu. Ehiyatda bir oyunu olan son çempion ardıcıl 3-cü qələbə ilə liderdən yenə 6 xal geri qalır. “Bayya” uduzsa da, 5-ci pillədəki yerini itirmədi.

Tura 3-cü yerdə başlayan “San Paulu” azarkeşlərini yenə məyus etdi. Rojer Maşadonun komandası “Vasku da Qama” ilə səfər oyununa erkən qolla başlasa da, son dəqiqələrdə buraxdığı iki topla məğlub oldu. Argentinalı Ernan Krespo ilə yolların ayrılmasından sonra komandada yaşanan eniş davam edir. Son 6 oyunda hesabına yalnız 4 xal yazmaqla liderlikdən tədricən aşağıya enən “üçrənglilər” indi 4-cü pillədədi. Onları turnir cədvəlində “Fluminense” qabaqladı. Rio de janeyrolular səfərdə “Santos”u 3:2 hesabıyla məğlub etdilər. Luis Subeldiyanın komandası ikioyunluq qələbəsizliyə son qoyaraq 3-cü yerə çıxdı.

Ötən mövsümün bürünc mükafatçısı olan “Kruzeyro”da baş məşqçi dəyişikliyi tədricən müsbət effekt verir. Titenin yerini tutan Artur Jorje ardıcıl ikinci qələbəni qazandı. Mövsümün ilk 10 oyununda hesabına 7 xal yaza bilən “Kruzeyro” autsayderlər qrupunu tərk edərək 17-ci yerdən 16-ya yüksəldi.

12-ci tur
Palmeyras - Atletiko Paranaense 1:0
Q.Qomes, 15.
Flamenqo - Bayya 2:0
De Arraskaeta, 17. Paketa, 80.
Vasku da Qama - San Paulu 2:1
X.Rodriges, 73-p. K.Qomes, 88 – Lusiano, 10.
Santos - Fluminense 2:3
Qabriel Barboza, 9. Barreal, 57 - Savarino, 24. Kastilyo, 60. Kennedi, 86.
Şapekoense - Botafoqo RJ 1:4
Marsinyo, 45+3 – Edenilson, 10; 20. Martins, 14; 80.
Vitoriya - Korintians 0:0
Kruzeyro - Qremio 2:0
Kristian, 51. L.Romero, 66.
İnternasyonal - Mirassol 1:2
Alan Patrik, 90+3 – Lukas Oliveyra, 22. Andre Luis, 45.
Koritiba - Atletiko Mineyro 2:0
B.Lopes, 7. Pedro Roşa, 58.
Braqantino - Remo 4:2
Pitta, 19; 37. Tçamba, 47-öz qapısına; 51-öz qapısına – Talyari, 28. Marselinyo, 39.

1. Palmeyras 12 9 2 1 22-10 29
2. Flamenqo 11 7 2 2 20-10 23
3. Fluminense 12 7 2 3 21-15 23
4. San Paulu 12 6 2 4 16-11 20
5. Bayya 11 6 2 3 15-12 20
6. Atletiko Paranaense 12 6 1 5 17-14 19
7. Koritiba 12 5 4 3 15-12 19
8. Braqantino 12 5 2 5 15-14 17
9. Botafoqo RJ 11 5 1 5 22-22 16
10. Vasku da Qama 12 4 4 4 18-18 16
11. Vitoriya 11 4 3 4 11-14 15
12. Atletiko Mineyro 12 4 2 6 14-15 14
13. Qremio 12 3 4 5 14-16 13
14. İnternasyonal 12 3 4 5 10-12 13
15. Santos 12 3 4 5 16-19 13
16. Kruzeyro 12 3 4 5 16-21 13
17. Korintians 12 2 6 4 8-11 12
18. Mirassol 11 2 3 6 13-17 9
19. Remo 12 1 5 6 13-22 8
20. Şapekoense 11 1 5 5 11-22 8
Bombardirlər: Vinisius (Qremio) - 7, Kalyeri (San Paulu), Danilo (Botafoqo RJ), Viveros (Atletiko Paranaense) - 6.