“Mahir uşaq deyil, kifayət qədər yaşı, futbol və həyat təcrübəsi var. Neçə illərdi legioner həyatı yaşayır. Nəyin yaxşı, nəyin pis olduğunu özü bilir. Ətrafındakı insanlarla da məsləhətləşib, qərar verir. Ona məsləhət yox, öz fikirlərimi deyərdim. Kənardan baxıb hamı kimi Mahirin oynamasını istəyirəm. Həm yerlimizdi, həm futbolumuzu xaricdə təmsil edən azsaylı oyunçulardan biridi. Milli komandamız üçün önəmli futbolçulardandı. Yığmada səviyyəsi olan təcrübəli futbolçuya ehtiyac var, Mahir bu yöndə seçilir. Mahir hazırda oynamırsa, deməli, nəsə problem var. Bəzən zədə, bəzən münasibətlər səbəb olur. Mətbəxin içində olmadığımızdan, tam deyə bilmirik ki, əsas problem nədi. Bildiyim odu ki, futbolçunun oynamamasında zədə kimi ciddi səbəb yoxdusa, mövsümün sonunda bilinir. Nə klub, nə də futbolçu üçün sərfəli durumdu. Klub da ağılsız deyil ki, oynatmadığı futbolçunu ciddi səbəb olmadan kənarda saxlasın. Mahir orda hazırda davam edirsə, başqa problemi var. Yoxdusa, mövsümün sonunda bəlli olacaq. Mahirin daha çox oynaya biləcəyi, klubun isə oynadacağı futbolçuya ehtiyac olacaq. Kənardan fikir bildirmək yanlış olar. Ona görə də mövsümün sonunu gözləmək lazımdı”.