Tez-tez zədələnən və ''Qalatasaray''a az fayda verən Hakim Ziyeşin performansı baş məşqçi Okan Buruku qane etmir.

İddialara inansaq, merakeşli vinger ilə qış fasiləsində yollar ayrılacaq. Bunun sayəsində İstanbul nəhəngi onun həm maaş yükündən qurtulmuş olacaq, həm də dolu olan legioner limitində bir yer açılacaq. Artıq ''Cim-Bom''un Ziyeşin yerinə kimi transfer etmək istədiyi də bəllidi.

Türkiyə çempionu diqqətini ''Fluminense''nin kolumbiyalı vingeri Con Ariasa yönəldib. Okan Burukun da çox bəyəndiyi bu futbolçuya illik 2,5 milyon avro maaş olmaqla 4 illik müqavilə təklif olunub. Arias ilə 2026-ya qədər müqaviləsi olan ''Fluminense''nin özünə isə 12 milyon avro təklif edilib. 27 yaşlı futbolçu bu mövsüm Braziliya klubunun heyətində 48 rəsmi oyunda 13 qol, 8 məhsuldar ötürməlik performans sərgiləyib.

Karyerasının əvvəllərini öz vətənində keçirən Arias ''Fluminense''yə 2021-ci ildə cəmi 600 min avroya transfer olunub. Hazırda onun transfer dəyəri 15 milyon avrodu.

ƏLİ