Srağagün axşam saatlarında İstanbula ayaq basan məhşur vinger Hakim Ziyeş Türkiyədə də tibbi müayinədən uğurla keçərək ''Qalatasaray''la rəsmi müqavilə imzalayıb.

"Football-plus.az" xəbər verir ki, artıq keçidin detalları bəllidi. İstanbul nəhəngi Ziyeşi ''Çelsi''dən pulsuz birillik icarəyə götürüb. Mərakeşli ulduzun illik maaşı 3,5 milyon avro təşkil edəcək. ''Qalatasaray'' eyni zamanda gələn yay 30 yaşlı futbolçunu daimi əsasda transfer etmək və onunla ''1+1'' illik müqavilə imzalamaq hüququnu da ələ keçirib. İstanbul nəhəngi bu hüquqdan yararlansa, yenə də ''Çelsi''yə heç bir məbləğ ödəməyəcək. Amma 2024/25 və 2025/26 mövsümlərində futbolçunun məvacibi artıq 2,8 milyon avro olacaq. Dünən ''Qalatasaray''ın ''Trabzonspor''a qarşı ev matçını tribunadan izləyənlər arasında Ziyeş də var idi.

ƏLİ