''Qalatasaray''a gəldiyi gündən bu yana zədələr üzündən komandaya tam olaraq fayda verə bilməyən Hakim Ziyeşin hələ də ağrılarının davam etdiyi məlum olub.

Son oyununu sentyabrın 23-də ''İstanbul BŞ''yə qarşı keçirən, ardınca 4 rəsmi matçın hamısını buraxan təcrübəli vinger gözlənilmədən Mərakeş yığmasına dəvət almışdı. Məcburi olaraq yığmanın düşərgəsinə yollanan Ziyeşin həm Kot d' İvuara qarşı yoldaşlıq oyununda, həm də Livana qarşı seçmə mərhələ matçında iştirak etməyəcəyi dəqiqləşib.

Onun İstanbula qayıdacağı, yoxsa bir müddət vətənində hazırlıq keçəcəyi bilinmir. 30 yaşlı futbolçu indiyə qədər İstanbul nəhəngində cəmi 3 rəsmi oyuna çıxaraq 1 qol, 1 məhsuldar ötürmə ilə fərqlənib.

ƏLİ