Tərlan Əhmədovdan adının “Neftçi”ylə hallanmasına münasibət - “klub rəhbərliyi ilə...”
“Neftçi”nin yeni baş məşqçisi olacağı ilə bağlı iddialar yayılan şəxslərdən biri də Tərlan Əhmədovdu.
Bəzi mətbuat orqanları və sosial şəbəkələrdə qeyd olunur ki, klub rəhbərliyi mütəxəssislə əlaqə yaradıb və danışıqların ilkin mərhələsində razılıq əldə edilib.
Bilginin səhih olub-olmadığını öyrənmək məqsədilə Tərlan bəyi aradıq. Onun “Football-plus.az”a cavabı:
“Vallah, heç kim mənimlə əlaqə saxlamayıb. Nəinki “Neftçi”dən, ümumiyyətlə, heç bur klubdan təklif almamışam. Yayılan məlumatların hamısı şayiədi. Görüş də olmayıb. Klub rəhbərliyi ilə də salamlaşmamışam. Oyunları kənardan izləyirəm. Hadisələrin axarını diqqətdə saxlayıram. Başverənlər kimin oyunudu, kim və niyə belə edir? Bilmirəm! Yenə də hansısa komandada böhran olanda adımı hallandıran azarkeşlərə və media nümayəndələrinə təşəkkür edirəm. İşimə dəyər verdikləri üçün sağ olsunlar”.
KƏNAN BAHADIR
Digər xəbərlər
