Tural Axundov: “Hamısı şayiədi” - AÇIQLAMA
Mediada yer alan məlumata görə, Tərlan Quliyevlə Tural Axundov “Şamaxı”dan göndərilib.
Hər iki futbolçu dünən əvəzedici komandanın heyətində 1-ci divizionda MOİK-ə qarşı görüşdə meydana çıxıb.
Tərlan Quliyev “Football-plus.az”a açıqlamasında xəbəri təkzib etdi. Əlaqə saxladığımız Tural Axundov da eyni fikri bölüşdü: “Bu söhbət hardan, necə çıxıb, bilmirəm. Vallah, komandadan qovulmamışıq. Sadəcə, məşqçilər heyətinin qərarı ilə “Şamaxı-2”yə kömək etməyə göndərildik. Pərviz Azadov, Şəhriyar Əliyev, Tərlan Quliyev və mən əvəzedici komandanın gücünə güc qatmağa getdik. Bilirsiz ki, premyer-liqada bir neçə oyunda məğlub olmuşuq. İstəyirik ki, öz gücümüz də artsın. Yəni qovulmaqla bağlı heç nə yoxdu. Hamısı şayiədi. Boş söhbətlərdi”.
İLKİN SULTANLI
