Nəhayət, “Everton”un yeni sahibi müəyyənləşmək üzrədi. Çoxdan satışa çıxarılan İngiltərə klubu amerikalıya qismət ola bilər.

“Everton”un səhmlərinin böyük hissəsi satılıb. Liverpul klubunun mətbuat xidmətinin məlumatına görə, “Blue Heaven Holdings” konsorsiumu səhmlərin əksəriyyətini Den Fridkinə məxsus olan “Friedkin Group”a satıb. Sövdələşmə hələ tənzimləyici orqanlar, o cümlədən Premyer-Liqa, İngiltərə Futbol Assosiasiyası və Maliyyə Təşkilatı tərəfindən təsdiqlənməlidi.

Qeyd edək ki, “Everton”u maliyyələşdirən Fərhad Moşiri 2023-cü ilin sentyabrında öz payını ABŞ-nin “777 Partners” sərmayə fonduna satmağa razılaşmışdı. İngiltərəli jurnalist Ben Ceykobsun verdiyi məlumata görə, Fridkinə məxsus konsorsium klubun səhmlərinin 94,1 faizinə sahib çıxıb.

Yeri gəlmişkən, amerikalı iş adamı Avropada “Roma” və “Kan”ın da sahibidi.