“Everton”un sahibi tezliklə dəyişəcək. İran əsilli britaniyalı sahibi Fərhad Moşiri klubu satmağa yaxındı.

"Football-plus.az" xəbər verir ki, “Daily Mail”in məlumatına görə, “Everton”un gələn həftənin əvvəlində ABŞ sərmayə fondu “777 Partners” tərəfindən alınacağı gözlənilir. Amerikalılar klub üçün 600 milyon funt sterlinq ödəyəcəklər. Müqavilənin şərtlərindən biri yeni sahibin yeni stadionun tikintisinə 505 milyon funt sterlinq sərmayə qoymaq öhdəliyidi. Moşiri 2016-cı ildən “Everton”da 94 faiz paya malikdi.

Qeyd edək ki, hazırda 36 turdan sonra premyer-liqanın turnir cədvəlində 17-ci yeri tutan komandanın 2-ci diviziona düşmək təhlükəsi davam edir.