İngiltərənin müvafiq qurumu “Everton”un maliyyə fəaliyyətini araşdırır. Liverpul klubuna sanksiya verilə bilər.

Yerli mənbələrin xəbərinə görə, İngiltərə Futbol Assosiasiyası maliyyə qaydalarını pozduğu sübut ediləcəyi halda komandanın hesabından 12 xal çıxa bilər. Hazırda müstəqil komissiya “Everton”un maliyyə fəaliyyətini araşdırır. Bu məsələ ilə bağlı yekun hesabat ilin sonuna qədər açıqlanacaq.

Təhqiqata bu ilin martında start verilib. Klubun 2021/22 mövsümündə maliyyə qaydalarını poza biləcəyi şübhə doğurmuşdu. Bu ehtimal təsdiqlənəcəyi halda Liverpul klubuna sanksiya veriləcək. Qeyd edək ki, 12 xalın silinməsi premyer-liqa tarixinə rekord cəza kimi düşəcək.

Yeri gəlmişkən, “Everton” hazırda premyer-liqada 9 oyuna 7 xalla 16-cı yeri tutur.