Türkiyənin tanınmış astroloqu Güvən Meralla bağlı diqqətçəkən olaylar yaşanır.

“Football-plus.az” xəbər verir ki, bilindiyi kimi qardaş ölkənin ən məşhur astroloqlarından biri sayılan Meralın son dönəmlərdə futbolla bağlı proqnozları düzgün çıxırdı. Ötən mövsüm ''Qalatasaray''ın çempionluğunu tapan bu xanım bu mövsüm Türkiyə kubokunu ''Beşiktaş''ın qazanacağını söyləmişdi. Bu üzdən onun bu mövsüm superliqa ilə bağlı proqnozu ''Fənərbaxça'' fanatlarını ümidləndirmişdi. Meral hətta ''Fənər'' 6 xal geridə olduqda da bu komandanın geridən gəlib çempion olacağını iddia etmişdi. Derbidə ''Fənər''in qələbəsi Merala inamı bir qədər də artırmışdı. Amma son turda bilindiyi kimi ''Qalatasaray'' səhvə yol vermədi və Konyada qalib gəlməklə tarixinin 24-cü çempionluğunu qazandı. Həmin gündən bu yana ''Fənər''illərlə astroloqun münasibətləri pozulub. Dünən əvvəlcə ''Fənər''illərlə bağlı qalmaqallı paylaşımlar edən Meral daha sonra ''tiktok''da canlı yayın açaraq ağıza alınmayacaq söyüşlər və təhqirlər yağdırmağa başladı! Bu təhqirlər ona baha başa gələ bilər. Belə ki, İstanbul Cümhuriyyət Baş Prokurorluğu həmin canlı yayında deyilən sözlərlə bağlı araşdırmaya başlayıb. Güvən Meral xalqı kin və düşmənçiliyə təhrik etmək və ya aşağılamaq maddəsi ilə günahlandırılaraq həbs edilib. Bundan başqa Güvən Meralın narkotik maddədən istifadə də daxil olmaqla daha öncə bir neçə əməlinə görə həbs olunduğu üzə çıxıb.

ƏLİ