''Fənərbaxça''nın 11-ci turun mərkəzi oyununda evdə ''Trabzonspor''a məğlub olmasının ardından ''Qalatasaray''ın tanınmış forvardı Mauro İkardi maraqlı paylaşımlar edib.

"Football-plus.az" xəbər verir ki, dünən Kadıköydəki qarşılaşmadan öncə sosial şəbəkələrdə ''Fənər'' fanatlarının İkardinin formasını yandırması ilə bağlı video yayılmışdı.

Argentinalı hücumçu ''Fənər''in məğlubiyyətindən sonra məhz həmin videonu ''instaqram''ının hekayə bölümündə paylaşaraq onun üzərinə isə ''uşaq vaxtı bizə öyrədiblər ki, odla çox oynasan yana bilərsən'' ifadəsini yazıb. 30 yaşlı futbolçu bununla kifayətlənməyərək paylaşımlarını davam etdirib. O, daha sonra ötən mövsüm ''Fənərbaxça'' ilə oyunlarda vurduğu qollardan sonra yaşadığı sevinclərin şəkillərini, eləcə də səfərdə ''Fənər''i 3:0 yendikləri qarşılaşmadan sonra çəkdirdiyi şəkili paylaşıb.