Astroloq superliqanın yeni çempionunu açıqladı
Son iki mövsümün çempionunu dəqiq tapmaqla populyarlıq qazanan türkiyəli astroloq Meral Baran yeni mövsüm üçün proqnozlarını açıqlayıb.
Football-plus.az xəbər verir ki, internet üzərindən yayınlanan ''Yeni Açık TV'' kanalının qonağı olan astroloq 2022/23-də ''Qalatasaray''ın çempion olacağını bildirib:
"Qalatasaray'' mövsümə uğursuz başlayacaq. Hər kəs artıq ''Fənərbaxça''nı çempionluq münasibəti ilə təbrik etməyə başlayacaq. Komanda çempionluq tədbirinə hazırlaşdığı bir vaxtda ''Qalatasaray'' son turlarda bir möcüzə həyata keçirərək çempion olacaq''. Astroloq ''Fənərbaxça'' Kiyev ''Dinamo''sunu keçə biləcəkmi sualına da cavab verib: ''Təəssüf ki, keçə bilməyəcək. Bu duel ''Fənər'' üçün uğursuz bitəcək''.
Qeyd edək ki, bu xanım 2020/21-də ''Beşiktaş''ın və ötən mövsüm ''Trabzonspor''un çempionluğunu düz tapmışdı. Amma onun heç də bütün proqnozları düz çıxmır. Məsələn, Meral Baran ötən mövsüm Türkiyə kubokunu ''Fənərbaxça''nın qazanacağını iddia etmişdi. Amma bu turniri sonda ''Sivasspor'' qazandı.
Digər xəbərlər
