Dünən Türkiyə çempionatının 15-ci turu çərçivəsində baş tutan İstanbul derbisi ''Fənərbaxça''nın hegemonluğu ilə keçdi.

"Football-plus.az" xəbər verir ki, ''Fənər'' səfərdə oynamasına baxmayaraq çox inamlı təsir bağışlayaraq ''Beşiktaş''ı 3:1 hesabı ilə məğlub etdi və zirvədəki yerini qorudu. ''Sarı-lacivərdlilər'' nəhayət, bu rəqibə qarşı səfər sindromuna son qoydular. Belə ki, ''Fənərbaxça'' ''Beşiktaş''ın 2016-da istifadəyə verilmiş yeni stadionunda 8-ci superliqa oyununda ilk qələbəsini qazandı. Buna qədər baş tutan 7 görüşdə meydan sahibləri 2 qələbə qazanmışdılarsa, 5 derbidə bərabərlik qeydə alınmışdı. Ümumiyyətlə, ''Fənər'' buna qədər Türkiyə çempionatında ''Qartal'' üzərində son səfər qələbəsini 2014-ün noyabrında əldə etmişdi (2:0). Maraqlıdı ki, həmin vaxt da komandanın başında məhz İsmayıl Kartal dayanmışdı. Bu mütəxəssis ''Fənər''in başında ''Beşiktaş''a qarşı keçirdiyi 4-cü superliqa oyununda da məğlubiyyət acısı yaşamadı (3 qələbə, 1 heç-heçə). Kartal Aykut Kocamandan (5) sonra klub tarixində ''Beşiktaş''a qarşı ən azı 3 qələbə qazanan 2-ci yerli mütəxəssis oldu.

ƏLİ