Futbol proqnozları ilə tanınan ''Euro club index'' şirkəti bu mövsüm Konfrans Liqası ilə bağlı təxminlərini açıqlayıb.

Bilindiyi kimi bu turnirdə mübarizə aparan iki Türkiyə təmsilçisindən ''Fənərbaxça'' qrupu lider tamamlayaraq 1/8 finala vəsiqə qazandısa, ''Beşiktaş'' qrupu 3-cü pillədə bitirərək mübarizəni dayandırdı. ''Euro club index''in açıqladığı siyahıda ''Fənərbaxça'' bu mövsüm bu turniri qazanmağa namizədlər arasında ''Fiorentina'' ilə birlikdə 4-5-ci pillələri bölüşdürür. Hər iki klubun çempionluq ehtimalı 9 faizdi. 2-3-cü pillədə ''Lill'' və ''Betis'' qərarlaşıb (hərəyə 11 faiz). Şansı ən yüksək qiymətləndirilən kollektiv isə ''Aston Villa''dı (25 faiz). Bu yay heyətinə kifayət qədər tanınmış futbolçu cəlb edən ''Fənər''in qış transfer dönəmində daha bir neçə adlı-sanlı futbolçu alacağı gözlənilir.

ƏLİ