Dünən Səudiyyə Ərəbistanı çempionatının 15-ci turunda ''Əl-Nəssr'' öz meydanında ''Əl-Riyad''la qarşılaşdı.

Kriştiano Ronaldonun aktivinə 1 qol, 1 məhsuldar ötürmə yazdığı görüşdə ''Əl-Nəssr'' 4:1 hesabı ilə üstün oldu. Bombardirlər yarışına başçılıq edən təcrübəli futbolçu bu mövsüm Səudiyyə Ərəbistanı çempionatında 15 oyuna artıq 16 qol vurub. Bu matçın daha bir önəmi var idi.

Belə ki portuqaliyalı superulduz peşəkar karyerasında yubiley - 1200-cü rəsmi oyununu keçirdi! Bu, futbol tarixində 5-ci, sahə oyunçuları arasında isə ən rekord göstəricidi! Onu yalnız Piter Şelton (1375), Pol Bestok (1286), Rojerio Seni (1237) və Fabio Lopes (1212) qabaqlayır. Onların hamısı qapıçıdı. Siyahıya başçılıq edən Şeltonun göstəricisi bəzi mənbələrdə fərqli qeyd olunub. Onun 1390 oyun keçirdiyini iddia edən mənbələr də. Amma əfsanəvi ingiltərəli qapıçı özü 1387 oyun keçirdiyini iddia edir. Onu da vurğulayaq ki, Ronaldo 1200-cü oyununda 868-ci qolunu vurdu.

ƏLİ