Səudiyyə Ərəbistanı çempionatının son turunun oyununda məyusedici hadisə baş verib. Epizodun səbəbkarı Kriştiano Ronaldo olub.

"Football-plus.az" xəbər verir ki, “Əl-Raed” - “Əl-Nəssr” oyununda qonaq komandanın ulduz futbolçusunun güclü cərimə zərbəsindən sonra top qapının arxasında çəkiliş edən operatorun başına dəyib. Bu səbəbdən telekanalın işçisi bir anlıq səndələyib. Qeyd edək ki, oyun “Əl-Nəssr”in 3:1 hesablı qələbəsi ilə başa çatıb. Ronaldo komandasının 3-cü qolunu vurub.

Səudiyyə Ərəbistanı çempionatında 6 turda sonra “Əl-Hilal” 16 xalla liderdi. Hesabında 12 xal olan “Əl-Nəssr” 6-cı yeri tutur. Bombardirlərin siyahısına isə 7 qolla Ronaldo başçılıq edir.