Dünən Səudiyyə Ərəbistanı çempionatının 7-ci turunun mərkəzi oyununda ''Əl-Nəssr'' ''Əl-Əhli''ni qəbul etdi. Əla formada olan Kriştiano Ronaldo aktivinə daha 2 qol yazdı.

"Football-plus.az" xəbər verir ki, o, Sadio Manenin və Anderson Talişkanın ötürmələrini qola çevirdi. Digər 2 qolu aktivinə Talişka yazdı. Qonaqların heyətində də Frenk Kessye və Riyad Mahrez kimi tanınmış futbolçular fərqləndi. Amma oyun ''Əl-Nəssr''in 4:3 hesablı qələbəsi ilə yekunlaşdı.

Bununla da Ər-Riyad təmsilçisi ardıcıl 7-ci rəsmi oyunda qələbə qazandı. Bunlardan 2-si Asiya Çempionlar Liqasına, 5-i daxili çempionata təsadüf edib. Kriştiano bu 7 qarşılaşmada 9 qol, 5 məhsuldar ötürməlik performans sərgiləyib. Səudiyyə Ərəbistanı çempionatında ''Əl-Nəssr'' 7 oyuna topladığı 15 xalla 5-ci pillədə qərarlaşıb və lider ''Əl-İttihad''dan 3 xal geri qalır. Kriştiano 9 qolla bombardirlər yarışına başçılıq edir.

ƏLİ