Kriştiano Ronaldo Səudiyyə Ərəbistanında ilk mövsümü titulsuz başa vurmalı olacaq.

"Football-plus.az" xəbər verir ki, onun şərəfini qoruyan ''Əl-Nəssr'' daha öncə Kral kubokunda yarımfinalda, superkubokda isə finalda uduzmuşdu. İndi də ''Əl-Nəssr'' çempionluq şansını itirdi. Dünən Səudiyyə Ərəbistanı çempionatının 29-cu turunda ''Əl-Nəssr'' səfərdə ''Əl-İttifaq''la qarşılaşdı. 1:1 hesabı ilə bitən oyunda qonaqların yeganə qolunu Luis Qustavo vurdu. Ronaldo 84 dəqiqə meydanda oldu. ''Əl-Nəssr'' xalını 64-ə yüksəltdi. Lider ''Əl-İttihad'' isə səfərdə ''Əl-Fayha''nı 3:0 hesabı ilə darmadağın etdi və xalını 69-a çatdıraraq son tur ərəfəsində çempionluğu rəsmiləşdirdi.

Xatırladaq ki, Ronaldo ''Əl-Nəssr''ə dekabrın sonlarında gəlib və keçirdiyi 19 rəsmi oyunda 14 qol, 2 məhsuldar ötürmə ilə fərqlənib.